En il Plan d'instrucziun 21 servan ils plans d'instrucziun dals moduls a descriver incumbensas interdisciplinaras da la scola ed a garantir in svilup sistematic da las cumpetenzas per ina part centrala da questas incumbensas. Moduls han in budget da temp limità betg nuninterrut.
Sco ils plans d'instrucziun dals roms èn ils plans d'instrucziun dals moduls dividids en chapitels introductivs (impurtanza e finamiras, infurmaziuns didacticas, infurmaziuns davart la structura ed il cuntegn) ed en la preschentaziun dal svilup da las cumpetenzas.
Il plan d'instrucziun dal modul orientaziun professiunala differenziescha quatter champs da cumpetenza:
- profil da persunalitad
- vias da furmaziun, mund da professiun e da lavur
- sa decider ed ir enturn cun difficultads
- planisaziun, realisaziun e documentaziun
Tar quests champs cuntegna il plan d'instrucziun dal modul ils svilups da las cumpetenzas. Duas cumpetenzas èn descrittas en ils plans d'instrucziun dals roms tudestg sco era economia, lavur e tegnairchasa. Latiers na cuntegna il plan d'instrucziun dal modul nagin svilup da cumpetenzas, mabain ina survista cun renviaments als roms, en ils quals questas cumpetenzas vegnan instruidas.
Il chantun fixescha las structuras da temp e las disposiziuns organisatoricas da la scola per l'instrucziun en orientaziun professiunala.
